10ти јубилеен есенски камп на Извидничкиот одред „Феникс”
Шеесет деца и млади учествуваа на десеттиот јубилеен есенски камп на Извидничкиот одред „Феникс“ од Прилеп, кој изминатиот викенд се одржа во манастирот „Св. Ѓорѓија“ во Присад.
Шеесет деца и млади учествуваа на десеттиот јубилеен есенски камп на Извидничкиот одред „Феникс“ од Прилеп, кој изминатиот викенд се одржа во манастирот „Св. Ѓорѓија“ во Присад.
Преку едукативни и практични активности, учесниците имаа можност да ги надградат своите извиднички знаења и вештини, но и да научат повеќе за престојот и движењето во природа.
Десет години по ред Извидничкиот одред „Феникс“ ја продолжува традицијата на организирање есенски кампови. Јубилејното издание траеше три дена, а интересно е што организацијата и реализацијата на кампот ја вршат млади средношколци.
Програмата беше исполнета со активности преку кои децата се запознаваа со извидничките закони и вештини, правилното движење и престојување во природа, особено во есенски услови, кога се потребни дополнителни знаења и подготовка.
Покрај извидничките вештини, учесниците имаа можност да се запознаат и со стреличарството, а преку практични активности ги усовршуваа и вештините за подготовка на храна во природа.
Преку ваквите активности, младите извидници не само што стекнуваат нови знаења, туку учат на самостојност, одговорност, меѓусебна соработка и тимски дух. Десетгодишната традиција на есенскиот камп на „Феникс“ е уште една можност овие вредности да се пренесуваат на новите генерации.



